Nilinaw ng Department of Education na hindi required ang mga private schools na sumunod sa planong three-term school calendar simula sa school year 2026-2027.
Ayon kay Education Secretary Sonny Angara, patuloy nilang ipinapatupad ang flexibility sa mga pribadong paaralan kaugnay sa sarili nilang academic schedules.
Ang mahalaga anya ay sumusunod ang mga pribadong paaralan sa curriculum at minimum number ng school days.
Muling binigyang-diin ni Angara na ang three-term calendar ay hindi katulad ng trimester system.
Ang three-term model anya ay paghahati lamang ng academic calendar sa tatlong grading periods at mayroong kaparehong subjects sa buong school year.
