Direktang tinukoy ng isa sa mga akusado sa kaso ng mga nawawalang sabungero na si Julie “Dondon” Patidongan, ang negosyanteng si Charlie “Atong” Ang bilang mastermind sa krimen.
Matapos magtago sa alyas na “Totoy,” lumantad na si Patidongan, na nagpakilala bilang dating Chief of Security sa mga farm ng mga panabong na manok ni Ang.
Kabilang din aniya sa mga mastermind sina Eric Dela Rosa at Engineer Celso Salazar, bagaman si Ang, ang nag-utos sa mga pulis na patayin ang mga biktima na umano’y nandadaya.
Isiniwalat din ni Patidongan na 100% na may kinalaman ang aktres na si Gretchen Barretto dahil palagi silang magkasama ni Ang.
Nanawagan naman si Patidongan kay Barretto na makipagtulungan na lamang sa kanya.
