Posibleng maharap sa habang buhay na pagkakakulong ang apat na suspek na responsable sa Moscow Concert Hall attack sa Russia.
Pinangalanan ng Moscow City Court ang apat, na sina Dalerdzhon Mirzoyev, 32 anyos, Saidakrami Rachabalizoda, Shamsidin Fariduni, at Muhammadsober Faizov.
Ang apat ay pansamantalang inilagak sa isang detention facilty na tatagal hanggang May 22, petsa kung kailan itinakda ang isang preliminary investigation.
Biyernes nang magsagawa ng gun attack ang mga miyembro ng ISIS na ikinasawi ng 137 katao.
Ayon sa Russian Investigative Committee, 62 sa nasawi ang identified na, habang ang iba ay isasailalim sa genetic examinations upang matukoy ang kanilang pagkakakilanlan.
