Inaasahang ilalatag na sa pre-trial conference ang mga talaan ng ebidensya at testigo ng prosekusyon at depensa sa impeachment trial laban kay Vice President Sara Duterte.
Sa panayam ng ME Radio TV, sinabi ni House Prosecution Panel Spokesperson at Lanao del Sur 1st District Rep. Zia Alonto Adiong, layun nito na maging maayos na ang takbo ng trial.
Binigyang-diin ni Adiong na specific ang charges kaya dapat malinaw din ang mga ebidensya at testimonyang pag-uusapan.
