Tiniyak ni Senate President Vicente Tito Sotto III na awtomatikong magko-convene ang Senado bilang impeachment court sa sandaling mai-transmit na sa kanila ang articles of impeachment laban kay Vice President Sara Duterte.
Sinabi ni Sotto na bahagi ito ng kanilang mandato at bahagi ito ng trabaho ng mga senador alinsunod sa Konstitusyon.
Tiniyak din ni Sotto na handa silang harapin ang anumang mga pagtatangka tulad ng pagharang sa pag-convene sa impeachment court.
Nilinaw naman ng Senate President na hindi agad maisasagawa ang impeachment trial dahil mayroon pang proseso at preparasyon gaya ng pagpapadala ng kopya ng articles of impeachment kay Vice President Duterte at pagsasagawa ng pre-trial.
Aminado naman si Senador Imee Marcos na tiyak na ang pag akyat ng articles of impeachment laban Vice President dahil madali na aniyang makuha ang kailangang boto sa Kamara na 106.
