Ipinag-utos ng Department of Energy (DOE) ang pagpapatupad ng price freeze sa mga produktong petrolyo tulad ng Liquefied Petroleum Gas (LPG) at kerosene sa Negros Occidental at Negros Oriental sa loob ng 15-araw.
Ayon sa DOE, sakop nito ang lungsod ng Canlaon sa Negros Oriental at munisipalidad ng La Castellana sa Negros Occidental na nagdeklara ng state of calamity dahil sa pagsabog ng bulkang Kanlaon.
Ipatutupad sa ilalim ng price freeze, ang mga rollback sa presyo ng LPG at kerosene pero mahigpit na ipagbabawal ang pagtataas sa presyo nito hanggang June 18.
