May bagong pinuno ang Presidential Security Command (PSC) sa katauhan ni Brig. Gen. Peter Burgonio.
Ito’y matapos i-terminate ni Pangulong Ferdinand Marcos Jr. ang appointment ni PSC Commander, Major. Gen. Jesus Nelson Morales.
Kinumpirma ni Palace Press Officer at Presidential Communication Office Usec., Atty. Claire Castro ang termination sa designation ni Morales bilang PSC head simula kahapon.
Kasabay nito ay ang pagkakatalaga kay Burgonio bilang Acting PSC Commander sa kaparehong araw.
Ang PSC na dating kilala bilang Presidential Security Group, ay isang unit sa ilalim ng Armed Forces of the Philippines na ang mandato ay bigyan ng proteksyon ang presidente, bise presidente, at kanilang immediate families, at nagsisilbi ring honor guards para sa mga bumibisitang dignitaries.
