Dinurog ni Filipina tennis sensation Alex Eala si Mary Stoiana ng Amerika, 6-1, 6-2, sa pagsisimula ng kanyang 2026 US Open campaign sa Louis Armstrong Stadium sa Flushing Meadows, New York, kaninang umaga, oras sa Pilipinas.
Uusad ang bente uno anyos na Pinay sa second round ng tournament kung saan makakaharap niya si Ukrainian star Oleksandra Oliynykova.
Bilang ranked No. 18 sa mundo at seeded No. 17 sa tournament, target ni Eala na takpan ang dating US Open performance kung saan maaga siyang nagpaalam sa kompetisyon.
Isang taon matapos ang masaklap na pagkatalo, umalagwa sa rankings si Eala at inukit ang kanyang pangalan sa global tennis stage.
Noong nakaraang taon ay pumasok ang Pinay tennis star sa US Open sa No. 75 at ginulat si 14th-seeded Clara Tauson sa opening round subalit kinapos kay Cristina Bucsa sa sumunod na game at nalaglag sa torneo.
