Sa pagtatapos ng 6th window ng 2023 FIBA World Cup Asian Qualifiers, nanatili ang Pilipinas sa 40th spot sa latest Basketball ranking na inilabas ng FIBA.
Sa back-to-back home games noong Pebrero, na ginanap sa Philippine Arena sa Bocaue, Bulacan, pinadapa ng Gilas Pilipinas ang koponan ng Lebanon sa score na 107-96 subalit kinapos sa laban sa Jordan, 90-91.
Sa kabila naman nito ay pasok pa rin ang Gilas sa Top 8 sa Asia, sa pangunguna ng Power House Australia na nanatili rin sa No. 3 sa world ranking.
Panglawa sa Asian ranking ang Iran, pangatlo ang New Zealand, pang-apat ang China, panlima ang Jordan, pang-anim ang Japan habang pang-pito ang South Korea.
