Welcome kay Senate President Francis Escudero ang suhestyun ni Senate Majority Floor Leader Francis Tolentino na isama sa binubuo na bagong rules of impeachment ang pagtanggap ng ebidensya electronically.
Pinag-iisipan ding isana ang virtual presentation ng mga ebidensya.
Sinabi ni Escudero na pinag aaralan nila ang mga kinakailangang innovation o pagbabago sa rules sa sandaling payagan ang pagtanggap ng ebidensya electronically at virtual na presentasyon ng mga ito.
Sa ngayon ay patuloy pa aniya ang ginagawang pag-draft ng paiiralin o gagamiting rules of impeachment sa gagawing paglilitis kay Vice President Sara Duterte.
Una rito sinabi ni Tolentino na umaasa siyang isasama sa ginagawang pag-upgrade o pag-revise sa rules of impeachment ang pagtanggap at pagpresinta ng ebidensya electronically o virtually dahil pinapayagan na ito sa mga korte matapos ang naranasan nating COVID-19 pandemic.
