Tiniyak ni Senador Erwin Tulfo na patuloy na lalaban ang Senate Minority Bloc upang hindi maipasa ang pag-amyenda sa kanilang rules upang payagan ang online participation ng mga senador na hindi makapunta sa Senado.
Sa panayam ng ME Radio TV, sinabi ni Tulfo na hindi sila papayag na maisulong ang ilang panukala na ang direktang makikinabang ay ilan lamang nilang kasamahan.
Aminado si Tulfo na nakakahiya na ang mga nangyayari sa Senado na kanilang pinagsisikapang ayusin.
