Inilampaso ng San Miguel Beermen ang Terrafirma Dyip sa paghaharap para sa 2022 PBA Commissioner’s Cup.
Sa score na 131-103, nanguna para sa Beermen ang nagbabalik mula sa throat injury na si 6-time MVP June Mar Fajardo na kumamada ng 20 points at 9 rebounds.
Gumawa rin ng 25 points si Jericho Cruz at Triple-Double with 21 points, 19 rebounds, at 11 assists kay import Devon Scott.
Kinapos para sa Terrafirma ang 28 points ni Juami Tiongson.
Samantala, sigurado nang pasok sa Playoffs ang guest team Bay Area Dragons matapos tambakan ang TNT Tropang Giga sa score na 140-108.
Nagtala ng 37 points si Bay Area import Myles Powell, at 30 points kay Kobey Lam.
