Nirerespeto ng defense team ni Vice President Sara Duterte ang desisyon ng House Prosecutor na huwag nang paharapin bilang testigo sa impeachment trial si dating Senador Antonio Trillanes IV.
Sinabi ni Atty. Michael Poa, spokesperson ng defense team, na prerogative ng prosekusyon na mag-withdraw ng kanilang mga testigo.
Kung sa tingin aniya ng prosekusyon ay mas maayos na istratehiya ang pag-aalis ng mga testigo ay patuloy nila itong irerespeto.
Una nang nilinaw ni Trillanes na siya ang tumawag sa prosecution panel upang i-withdraw na ang kanyang pangalan bilang witness sa trial upang hindi na ma-pressure ang prosekusyon.
Tiniyak naman ni Poa na handa sila na dipensahan ang Bise Presidente kahit matuloy ang pagtestigo ni Trillanes.
