Lumagda ang Bases Conversion and Development Authority (BCDA) ng Memorandum of Understanding (MOU) sa Standard Chartered Bank.
Para ito sa pagsasagawa ng feasibility studies para sa potential projects sa Clark Freeport Zone sa Pampanga at New Clark City sa Tarlac.
Sa ilalim ng partnership, maaaring magrekomenda ang Standard Chartered ng financing solutions at iba pang porma ng suporta para sa projects na makikitang feasible at viable.
Maaari ring makipag-negosasyon ang international bank sa BCDA para sa kaukulang kasunduan at modes of collaboration para sa kanilang implementasyon.
Aabot sa 35,300 hectares ang saklaw ng Clark Freeport at Special Economic Zone, kabilang ang Clark Freeport Zone, Clark Aviation Capital, Clark International Airport at New Clark City.
