Naghain na ng criminal complaints sa Quezon City Prosecutor’s Office ang kampo ng asawa ni Vice President Sara Duterte na si Atty. Manases “Mans” Carpio.
Kasong paglabag sa Anti-Money Laundering Act, Bank Secrecy Laws, at Data Privacy Act ang inihain ni Carpio kasama ang kanyang abogado.
Kabilang sa mga respondents sa kaso sina BSP Governor Eli Remolona Jr., AMLC Executive Director Ronel Buenaventura, House Justice Committee Chairperson Gerville Reyes-Luistro, at mga kongresista na sina Perci Cendaña, Chel Diokno, at Leila de Lima, gayundin ang ilan pang John Does at Jane Does.
Ayon kay Carpio, nagsabwatan ang mga respondents upang isapubliko ang bank reports na isinumite ng AMLC kabilang ang mga detalye ng account deposits, withdrawals, balances, at related records nang walang notice o written consent mula sa kanya.
Layunin aniya ng kaso na depensahan ang banking at financial system sa kabuuan at ipagtanggol ang rule of law at judicial system.
