dzme1530.ph

PRESENTASYON NG TATLO PANG TESTIGO NG DEFENSE TEAM NI VP SARA DUTERTE, INAASAHANG MATATAPOS NGAYONG ARAW

Loading

UMAASA ang House Prosecution Panel sa impeachment case ni Vice President Sara Duterte na matatapos na ngayong araw na ito ang presentasyon ng tatlo pang testigo ng defense team.
 
Sinabi ni Prosecution Spokesperson Atty. Benjamin Tolosa Jr. na inaasahan nilang magiging mabilis ang presentasyon ng mga testigo ngayong araw dahil tututok lamang ito sa mga dokumento.
Samantala, sa pagsisimula ng Day 45 ng impeachment trial, ipinaalala ni Presiding Officer Francis Chiz Escudero na lahat ng records ng Anti-Money Laundering Council ay isinumite sa korte na classified as sealed at under supervised access lamang ng senator-judges, defense at prosecution, at mga authorized personnel.
 
Unang isinalang sa witness stand si Dr. Ceferino Rodolfo, na undersecretary for Industry Development and Investment Promotions Group ng Department of Trade and Industry.
 
Nakatakda ring isalang sa witness stand sina Pilar Marilyn Pagayunan, director ng Center for Food Regulation and Research ng Food and Drug Administration, at si Atty. Eva Marie Marquina ng Center for International Trade Expositions and Missions o CITEM, na kapalit ng unang sinubpoena dahil kasalukuyan itong nasa Germany.

About The Author