Tatlong opisyal ng Department of Public Works and Highways sa Davao City sa gitna ng imbestigasyon ng National Bureau of Investigation sa umano’y anomalya sa flood control projects sa lungsod.
Kinilala ng DPWH Secretary Vince Dizon ang mga sinibak na sina Davao District Engineer Richard Ragas, Assistant District Engineer Lilibeth Sarmiento at Construction Chief Roberto Mamaril.
Ipinag-utos din umano ni Dizon ang pagsibak kay Engr. Roberto Catingub, Construction Chief ng Cebu 4th District, dahil sa umano’y pangongotong sa mga kontraktor.
Sinabi ni Dizon na nagpapatupad siya ng one-strike policy sa departamento.
Matatandaang noong isang linggo, naghain ang NBI ng kaso sa Department of Justice laban sa 11 opisyal ng Genesis88 Construction Incorporated at ilang John at Jane Does kaugnay sa anomalya sa flood control projects sa Davao City.
