Dedepensahan ni EJ Obiena ang kanyang gold medal habang susubukan niyang basagin ang sariling Asian Games record sa men’s pole vault.
Pinangungunahan ni Obiena ang 24-member Philippine athletics team sa ginaganap na 2026 Aichi-Nagoya Games.
Sinabi ni Philippine Athletics and Track and Field Association (PATAFA) President Terry Capistrano na handang-handa na ang team sa kompetisyon na magsisimula bukas sa Nagoya City Mizuho Park Athletic Stadium.
Makakasama ni Obiena ang medal hopefuls na sina John Cabang Tolentino, Lauren Hoffman, at Victoria Bossong.
Hawak ni Obiena ang Asian record na 6.00 meters at ang Asian Games record na 5.90 meters, na kanyang itinakda sa Hangzhou, tatlong taon na ang nakalipas.
