Naibalik na ng PNP-Criminal Investigation and Detection Group ang warrant of arrest laban kay dating House Speaker Martin Romualdez kaugnay sa kaso nitong plunder.
Ito ay makaraang ideklara ng PNP-CIDG na nasa ilalim na ng kanilang kustodiya si Romualdez na naka-confine sa Cardinal Santos Medical Center.
Isinumite rin ng PNP sa Sandiganbayan ang medical certificate ni Romualdez.
Kagabi ay naisilbi na ng mga awtoridad kay Romualdez ang warrant of arrest sa pagamutan kung saan siya naka-confine dahil sa cardiovascular event, unstable blood pressure at anxiety attack.
Samantala, kinumpirma naman ni PNP-CIDG National Capital Region Chief, Col. John Guiagui, na hindi pa nila matagpuan ang iba pang akusado sa kaso.
Bukod kay Romualdez, kasama sa kasong plunder sina dating Cong. Zaldy Co, Josely Tragua Serenio na personal assistant ni Romualdez at Felicito Cristobal Guevarra, pangulo ng Samchan Foreign Exchange Corporation.
Hiniling naman ni Romualdez sa Sandiganbayan na aprubahan ang continued hospital confinement para sa kanya.
