Hindi mamadaliin ng prosekusyon ang pagtestigo ni former DepEd SDO Edward Fajarda sa Impeachment Court.
Si Fajarda ay naka-confined sa isang pagamutan matapos itong ma-stroke.
Ayon kay Manila Rep. Benny Abante Jr., ikinalungkot nila ang nangyari kay Fajarda, kaya naman hahayaan nila itong maka-recover bago paharapin sa hukuman.
Kinumpirma naman ng Senate doctor, sa utos ni Impeachment Court Presiding Officer Chiz Escudero, ang hindi magandang kondisyon ni Fajarda.
Gaya ni OVP SDO Gina Acosta, target ding gawing hostile witness ng prosecution team si Fajarda bilang dating SDO ng DepEd sa panahon ng panunungkulan ni VP Sara Duterte.
Isa pang dating opisyal ng DepEd na ihaharap sa witness stand ay si Atty. Michael Wesley Poa.
