Kumbinsido rin ang Department of Energy na hindi dapat patawan ng value-added tax ang systems loss charge sa electricity bill.
Sa panayam ng ME Radio TV, sinabi ni DOE Undersecretary Rowena Guevara na matagal na rin nilang hinihiling sa Bureau of Internal Revenue na itigil ang pagpapataw ng VAT sa systems loss.
Tiniyak din ni Guevara na tuloy-tuloy ang kanilang mga hakbang upang maibaba ang presyo ng kuryente sa bansa.
