Pasok sa listahan ng mga testigo ng House Prosecution Team sa impeachment case laban kay Vice President Sara Duterte si Mary Grace Piattos.
Ito ay batay sa pre-trial brief na isinumite ng House Prosecution Team sa Impeachment Court.
Unang lumutang ang pangalan ni Piattos sa pagdinig ng House Committee on Good Governance and Public Accountability kaugnay sa paggamit ng budget ng Office of the Vice President at Department of Education noong 2024.
Lumutang na isa si Piattos sa nakatanggap ng confidential funds mula sa bise presidente.
Sa datos naman ng Philippine Statistics Authority, walang nakitang birth, death o anumang identification records na may pangalang Mary Grace Piattos.
