Nagpalabas ang Sandiganbayan ng precautionary hold departure order laban kina Benguet Rep. Eric Yap at kapatid na si Dating ACT-CIS Partylist Rep. Edvic Yap.
Nilinaw naman ni Assistant Ombudsman Mico Clavano na walang pending criminal case sa magkapatid.
Gayunman, una nang sinabi ni Ombudsman Jesus Crispin Remulla noong October 2025, na si Cong. Eric ay person of interest sa sinasabing dalawang unfinished flood control projects sa La Union na nagkakahalaga ng 89.7 million pesos bawat isa.
Dahil dito, mismong ang Ombudsman ang humiling na maisyuhan ng PHDO sa magkapatid na itinuturing na flight risks.
