Iginiit ng isang House prosecutor na hindi sapat ang 19 na araw na timeline na ipinanukala ni Senate Majority Leader Francis Tolentino para makapag-prisinta ng mga ebidensya, kasabay ng babala laban sa minadaling impeachment trial.
Sa proposed schedule, dalawang araw lamang ang inilaan para iprisinta ang Articles of Impeachment na nagdedetalye sa mga alegasyon laban kay Vice President Sara Duterte.
Gayunman, sa kabuuang pitong articles of impeachment, sinabi ni 1-Rider party-list Rep. Rodge Gutierrez na kulang ang dalawang araw.
Hindi rin aniya nila ikinu-konsidera na bawasan ang bilang ng articles, at i-consolidate ito sa dalawa, dahil pagtataksil ito sa full articles of impeachment na kanilang inihain.
Si VP Sara ay inakusahan ng culpable violation of the constitution, betrayal of public trust, graft and corruption, at iba pang high crimes, gaya ng bribery.
