Nahaharap sa “danger level” na heat index o damang init ang labimpitong lugar sa bansa ngayong Miyerkules.
Base sa pagtaya ng pagasa, aabot sa 47 degrees Celsius ang damang init sa Dagupan City sa Pangasinan habang 46 degrees Celsius sa Baler, Aurora.
Inaasahan naman ang 43 degrees Celsius na heat index sa Bacnotan, La Union; Cubi Pt., Subic Bay, Olongapo City; Sangley Point, Cavite City; Cuyo, Palawan; at CBSUA-Pili, Camarines Sur.
Samantala, 42 degrees celsius ang posibleng maramdaman sa NAIA Pasay City, Isu Echague, Isabela; Iba, Zambales; Clark Airport, Pampanga; Ambulong, Tanauan, Batangas; San Jose, Occidental Mindoro; Daet, Camarines Norte; Legazpi City, Albay; Masbate City; At Roxas City, Capiz.
