Nakatakdang pangalanan ni Pangulong Ferdinand Marcos Jr. ang bagong Supreme Court Chief Justice ngayong linggo, kapalit ni outgoing Chief Justice Alexander Gesmundo.
Pahayag ito ni Palace Press Officer Undersecretary Claire Castro, kasabay ng pagbibigay-diin na lahat ng kandidato para maging punong mahistrado ay may kanya-kanyang kagalingan at integridad.
Noong Oktubre ay isinumite ng Judicial and Bar Council (JBC) kay Pangulong Marcos ang shortlist ng nominees para sa posisyon ng Chief Justice at Associate Justice ng Supreme Court.
Kabilang sa mga pinagpipilian na maging susunod na Chief Justice ay sina Senior Associate Justice Marvic Leonen at Associate Justices Alfredo Benjamin Caguioa, Japar Dimaampao, Midas Marquez, at Rodil Zalameda.
