Inaresto ng Bureau of Immigration (BI) ang hinihinalang miyembro ng notoryus na “Luffy” gang na iniuugnay sa multiple theft at fraud cases sa Japan.
Kinilala ng BI ang Japanese national na suspek na si Natsuki Kimura, 33-anyos.
Nasakote si Kimura sa Makati City, batay sa arrest warrant na inilabas ng BI Board of Commissioners noong March 2023.
Sinabi ni Immigration Commissioner Joel Anthony Viado na gaya ng co-conspirators ni Kimura sa sindikato, ipade-deport din ito, isasama sa blacklist, at pagbabawalan na muling makapasok sa Pilipinas.
