Asahan ng customers ng Manila Water Company Inc. ang mas mataas na bayarin sa tubig simula sa Abril.
Ito’y makaraang aprubahan ng Metropolitan Waterworks and Sewerage System Regulatory Office (MWSS-RO) ang pagtaas sa tariff mechanism ng distribution utility para sa ikalawang quarter ng 2025.
Inaprubahan ng ahensya ang karagdagang ₱0.04 per cubic meter sa foreign currency differential adjustment (FCDA) ng Manila Water.
Dahil dito, tataas sa ₱0.65 centavos per cubic meter ang FCDA mula sa ₱0.61 per cubic meter rate sa unang quarter ng 2025.
Ang naturang adjustment ay nangangahulugan ng karagdagang ng ₱0.21 centavos kada buwan sa bills ng mga kumukonsumo ng 10 cubic meters habang ₱0.45 centavos para sa 20 cubic meters.
