Pinuri ni Pang. Ferdinand “Bongbong” Marcos Jr. ang Joint Task Force Tawi-Tawi para sa pagkakamit ng kapayapaan sa nasabing lalawigan.
Sa kanyang mensahe sa pag-bisita sa 2nd Marine Brigade, inihayag ng pangulo na kung dati ay bakbakan ang nagaganap sa Tawi-Tawi, ngayon ay napalitan na ito ng pagandahan ng mga resort.
Sa kabila nito, ipina-alala ni Marcos na hindi pa tapos ang misyon at kailangan pa ring labanan ang mga nagtatangkang pabagsakin ang gobyerno.
Tiniyak naman ng Commander-In-Chief na magpapatuloy ang pagtataguyod ng kapayapaan at bibigyang pagkakataon ang mga rebelde na isuko ang mga armas para sa magandang buhay sa halip na magtago sa mga bundok.