Posibleng hanggang sa pagtatapos ng Marcos Administration sa 2028 ang paninindigan ni Finance Secretary Ralph Recto na walang ipapataw na mga bagong buwis.
Ito ay sa harap ng pagsisikap ng gobyerno na tutukan muna ang pagpapabuti sa tax collection.
Umaasa ang kalihim na walang mga magiging mitsa upang mapilitian ang Department of Finance na magpanukala ng mga bagong tax measure.
Nang maitalaga noong Enero, sinabi na ni Recto na hindi siya pabor na magpatupad ng additional taxes, lalo na sa mga consumption-based, upang hindi na makadagdag pa sa mabigat nang pasanin ng mga Pilipino.
