Sangkatutak na isdang tamban ang napadpad sa isang resort sa Maasim, Sarangani.
Bukod sa mga residente ay nakihakot din ng isda ang mga bisita ng resort, kahapon, para maiuwi sa kani-kanilang bahay.
Sa sobrang dami ay tila ang mga tao na ang sumukong manguha dahil naubusan na sila ng paglalagyan at marami pa ang naiwang mga tamban sa dalampasigan hanggang sa sumikat ang araw.
Ayon sa mga residente, ito ang unang beses na naranasan nila ang pagbuhos ng biyaya ng karagatan sa kanilang lugar. —sa panulat ni Lea Soriano
