Anim na lugar sa bansa ang makararanas ng mapanganib na heat index ngayong Biyernes, ayon sa PAGASA.
Inaasahang papalo sa 42°C hanggang 44°C ang heat index sa Dagupan City sa Pangasinan; Bacnotan sa La Union; Puerto Princesa City sa Palawan; Aborlan sa Palawan; Catarman sa Northern Samar; at sa Cotabato City.
Pinakamababa naman ang mararanasang heat index sa Baguio City sa Benguet, at Benguet State University sa La Trinidad, na tinatayang aabot lamang sa 25°C.
Una nang inanunsyo ng pagasa na posibleng maranasan ang peak ng heat index sa bansa ngayong buwan ng Abril at sa Mayo.
