Iprino-klama na ng Commission on Elections ang lima sa siyam na BARMM Parliamentary District Representatives sa Lanao del Sur.
Pinangunahan ni Atty. Mohammad Nabil Mutia, COMELEC Provincial Election Supervisor, ang proklamasyon kina Hamza Gauraki ng 2nd District; Lampa Pandi ng 4th District; Hosni Macapodi ng 6th District; Rayyan Minda-Lano ng 7th District; at Ahmad Amir ‘Arrie’ Balindong ng 8th District.
Pinasalamatan naman ni Mutia ang Armed Forces of the Philippines, Philippine National Police at local government units sa pagsisikap na matiyak ang mapayapang halalan.
Sinabi naman ni Brigadier Gen. Jessie Montoya, commander ng 103rd Infantry Brigade, na malaking tulong sa kanilang ang augmentation force mula sa 1st Infantry Division.
