Inilabas na ng Department of Education ang three-term school calendar sa basic education para sa school year 2026-2027.
Magsisimula ang klase sa June 8, 2026 at magtatapos sa April 8, 2027, batay sa DepEd Order No. 9, series of 2026.
Nakasaad sa kautusan na ang term one ay magsisimula sa opening block na mula June 8 hanggang 11, 2026; susundan ng instructional period sa June 15 hanggang September 1, 2026 at end-of-term activities mula September 2 hanggang 15, 2026.
Ang ikalawang term naman ay magsisimula sa instructional period mula September 16 hanggang December 4 at end-of-term activities mula December 7 hanggang 18, 2026.
Ang ikatlong term ay magsisimula sa instructional period na mula January 4 hanggang March 23, 2027 at end-of-term activities mula March 24 hanggang April 8, 2027.
Bubuuin pa rin ang school year ng 201 class days mula sa term 1 hanggang term 3.
