Inaresto ng mga tauhan ng PNP Police Aviation Security Group ang isang babaeng pasahero pagdating nito sa Mactan-Cebu International Airport mula Hanoi, Vietnam.
Nag-ugat ang pag-aresto sa 35-year-old na pasahero matapos maharang ng Bureau of Immigration sa verification screening procedure, kung saan natuklasan ang umiiral na warrant of arrest laban sa pasahero.
Ang pag-aresto ay ginawa sa Terminal 2 alinsunod sa isang warrant na inilabas ng Regional Trial Court sa Davao City para sa umano’y paglabag sa Republic Act No. 10175, o Cybercrime Prevention Act of 2012, na may inirekomendang piyansa na ₱48,000.
Ang naarestong akusado ay kasalukuyang itinurn-over sa Police Station 5 ng Lapu-Lapu City Police Office (LCPO) para sa kaukulang disposisyon.
