PINANGALANAN na ng defense team ni Vice President Sara Duterte ang unang testigong kanilang ihaharap sa impeachment trial na muling aarangkada sa Lunes, November 9.
Ito ay makaraang hilingin ng defense panel sa Impeachment Court na isubpoena si Dean Ralph Sarmiento para humarap sa paglililtis.
Si Sarmiento ay isang political at constitutional law professor, at dating vice chancellor for administration sa University of St. La Salle.
Sa kanilang manifestation, sinabi ng defense team na plano nilang iharap si Sarmiento sa November 9 para tumestigo sa legal and constitutional principles na may kinalaman sa impeachment case at sa Article 2 na may kinalaman sa unexplained wealth ng Bise Presidente.
Kasabay nito, tiniyak ng defense panel na tutukuyin nila ang kanilang mga testigong ihaharap sa November 10, 11, 12, 13, 19, 20 at 23 alinsunod sa five-day notice requirement.
