Sinopla ni House Asst. Majority Leader at Tingog Partylist Rep. Jude Acidre, si Sen. Cynthia Villar ng sabihin nitong last day of session na ng i-transmit ng Kamara ang Articles of Impeachment sa Senado.
Buwelta ni Acidre, Feb. 5 ng personal na dalhin ni House Sec. Gen. Reginald Velasco ang verified complaint, subalit nakapaloob sa Concurrent Resolution No. 22, na ang last day of session bago ang recess ay Feb. 7, 2025.
May dalawang araw pa aniya ang Senado na umaksyon kung talagang gusto nilang simulan ang impeachment process base sa legislative calendar.
Gayunman, sa halip na i-suspend lang ang sesyon noong Feb. 5, in-adjourned ito ni Senate President Francis “Chiz” Escudero.
