Halos dumoble na ang presyo ng karamihan ng mga bulaklak sa Dangwa sa Maynila, apat na araw bago ang Valentine’s Day.
Sa price monitoring ng DZME Radyo-TV, umakyat na sa ₱80 hanggang ₱100 ang kada piraso ng Tulips mula sa ₱50 noong nakaraang linggo.
Tumaas din ng ₱50 ang stargazer na ngayon ay naglalaro ang presyo sa ₱180 hanggang ₱200.
Ang bouquet naman na mayroong sampung piraso ng carnation ay mabibili ng ₱800.
Para naman sa mga mas bet o gusto ang dried flowers, ang small roses ay mabibili ng ₱35 kada piraso o 3 pieces for ₱100.
Inaasahang ng flower shop owners sa dangwa ang pagdagsa ng mas maraming customers simula bukas hanggang Biyernes, sa mismong Araw ng mga Puso.
