Tiniyak ni Pangulong Ferdinand Marcos Jr. ang social protection, gayundin ang kapakanan ng mga senior citizen sa bansa.
Ito’y nang pangunahan ng Pangulo ang nationwide inaugural distribution ng cash gifts sa mga kwalipikadong benepisyaryo ng Expanded Centenarians Act of 2024 o Republic Act no. 11982 sa Malakanyang.
Alinsunod sa batas, makatatanggap ng ₱10,000 na cash incentives ang mga senior, pagsapit nila sa edad na 80, 85, 90, at 95.
Mananatili pa rin naman ang ₱100,000 na cash gift para sa centenarians o 100-year old seniors, sa ilalim ng Centenarians Act of 2016 o R.A. NO. 10868.
Labing apat (14) na senior citizens ang tumanggap ng inaugural cash gift sa Palasyo, habang kabuuang 1,079 beneficiaries ang sabayang nakatanggap ng cash incentives sa 15 pang venues sa iba’t ibang rehiyon sa bansa.
