Nasa Pilipinas si Vietnam President To Lam para sa dalawang araw na state visit bilang bahagi ng kanyang regional tour matapos manalo sa eleksyon noong Abril.
Dumating si Lam na siya ring General Secretary ng Communist Party of Vietnam’s Central Committee, kasama ang kanyang delegasyon sa Villamor Air Base kahapon, lulan ng Vietnam Airlines (HVN 1).
Sabay na bumaba ng eroplano ang Vietnamese President at kanyang asawa na si Ngo Phuong Ly at pormal silang sinalubong nina Agriculture Secretary Francisco Tiu Laurel Jr., Philippine Ambassador to Vietnam Noel Fernandez III, Palace Deputy Social Secretary Dina Arroyo Tantoco at Pasay City Mayor Emi Calixto-Rubiano.
Ayon sa Presidential Communications Office (PCO), sasabak sina Pangulong Ferdinand Marcos Jr. at Lam sa bilateral meeting, kung saan inaasahang pagtitibayin pa nila ang ugnayan ng dalawang bansa.
Kabilang na rito ang may kinalaman sa trade and investment, food security, defense and maritime cooperation, education, tourism, at people-to-people exchanges.
