Plano ng Philippine Statistics Authority (PSA) na magpatupad ng mas mahigpit na polisiya sa pagpo-proseso ng late birth registration makaraang punahin ng senado ang kanilang kaluwagan sa mga proseso.
Ipinaliwanag ni PSA Assistant National Statistician Marizza Grande na due diligence din sa bahagi ng civil registrar na magsagawa ng validation sa mga supporting document at saka maglalabas aniya ang PSA ng guidelines sa delayed registration.
Naniniwala ang ilang senador na posibleng sinasamantala ng mga sindikato ang late birth registration policy ng PSA, kasunod ng mga iregularidad sa pagkakakilanlan ni Bamban, Tarlac Mayor Alice Guo.
Una nang iginiit ng kontrobersyal na alkalde na late nang ipinarehistro ang kanyang birth certificate.
Sa datos ng PSA noong 2022, 1.3 million births ang na-register on time, habang 127,919 ang nai-rehistro lamang, tatlumpung araw matapos ipanganak ang sanggol.
