Kabilang ang Filipino boxing legend na si Manny Pacquiao sa mga iluluklok sa International Boxing Hall of Fame sa 2025, batay sa anunsyo ng organisasyon.
Tumagal ang karera ni Pacquiao, na isang world champion mula sa flyweight hanggang super welterweight divisions, simula 1995 hanggang 2021.
Tinapos ito ng 45-anyos na Pinoy boxer sa pamamagitan ng record na 62 wins, 8 losses, at 2 draws.
Si Pacman, kasama ang mga kapwa boksingero na sina Michael Nunn at Vinny Paz, at referee na si Kenny Bayless, ay kabilang sa 14 na indibidwal na pararangalan sa June 5-8, 2025, sa Hall of Fame sa Canastota, New York. —sa panulat ni Lea Soriano-Rivera
