Umarangkada na ngayong araw ang first round tee off ng 2026 BingoPlus Philippine ADT Open sa Luisita Golf and Country Club, kung saan ang 132 elite players mula sa iba’t ibang bansa ang nagpapasiklaban.
Sa naganap namang pro-amateur tee off kahapon, itinanghal na kampyeon ang grupo ng pro player na si Pukhraj Singh, kasama sina Tony Chua, Ninoy Palomar, at Sonny Bautista, na tumanggap ng US$300 na premyo.
First runner-up naman ang grupo ni Marcus Lim, kasama sina Pao Honrado, Benok Palomar, at Gov. Christian Yap na may premyong US$200.
Habang second runner-up naman ang grupo nina Nicklaus Chiam, Ricky Dimarucot, Pikes Fiesta, at Louie Castro na nanalo ng US$100 na premyo.
Pagkatapos ng laro, humarap sa press conference ang mga executives, kasama sina Luisita Golf Club General Manager Bones Floro, Asian Development Tour (ADT) General Manager Ken Kudo, at AB Leisure Exponent Incorporated President Jasper Vicencio.
Dumalo rin sa presscon ang golf players na sina Singh, Sean Ramos, at Keanu Jahns na nagbahagi ng kani-kanilang paghahanda para sa tournament.
