Nananatili ang sektor ng edukasyon sa may pinakamalaking share o “lion’s share” sa 2027 proposed national budget.
Salig sa isinumiteng National Expenditure Program o NEP, nasa top 10 ang education sector sa mga tanggapan ng pamahalaan na may P976-B budget.
Ayon kay DBM Acting Sec. Kim Robert De Leon, kung pumasok na ang iba pang figures, makakapag-comply muli ang Pilipinas sa ikalawang sunod na taon sa UN threshold na 5% ng GDP.
Bumubuo sa top 10 kasunod ng DepEd ang DPWH na may P644-B sa 2027; ikatlo ang DOH na may P353.8-B; DILG, P332.5-B; at ika-lima ang DND na may P328.8-B.
Pasok sa top 6 ang DOTr, kasama ang Philippine National Railways at Light Rail Transit Authority, na may P302.2-B; nasa ika-anim na may biggest budget ang DA, kabilang ang mga attached corporations, DAR at NIA, na may P261.7-B; DSWD ay pang-walo sa pondong P241.6-B; pang-siyam ang Higher Education o State Universities and Colleges at Commission on Higher Education na may P176.5-B; at nasa ikasampu sa may pinakamalaking budget sa 2027 ay ang Judiciary na P86.8-B.
Sa kabuuan ng 7.2-T proposed 2027 national budget, hinati-hati ito by sector:
- Social services — 34.1% o P2.456-T
- Economic Services — 25.5% o P1.833-T
- General Public Services — 18.3% o P1.317-T
- Debt Burden o debt service — 15.9% o P1.143-T
- Defense — 6.3% o P452.4-B.
