Posibleng palawigin ng Dept. of Information and Communications Technology ang deadline sa pagpapa-rehistro ng sim numbers sa ilalim ng mandatory Sim Registration.
Ayon kay DICT Usec. Anna Mae Lamentillo, pinag-uusapan pa nila ang posibleng pagdaragrag ng 120 araw sa palugit.
Sinabi pa ni Lamentillo na may prerogative ang DICT na i-extend ang deadline sa Sim Registration.
Sa pinakahuling tala ng National Telecommunications Commission, umabot na sa mahigit 42 million ang nai-rehistrong sim numbers mula sa kabuuang 168 million subscribers nationwide.
Sa ngayon ay tinututukan muna ng DICT ang pagpapataas ng bilang ng registered sims bago ang deadline sa Abril a-26.
