Aprubado na ng Project Development and Monitoring Facility (PDMF) Committee ang 1 million dollars na advisory support para sa restructuring ng Light Rail Transit Line 1 o LRT-1 Extension Operations and Management (O&M) Project Concession Agreement.
Sa statement, inihayag ng Public-Private Partnership (PPP) Center na manggagaling ang transaction advisory services support para sa LRT-1 Extension O&M Project ng Department of Transportation sa PDMF.
Sa ilalim ng pangangasiwa ng PPP Center, ang PDMF ay isang revolving fund na available sa implementing agencies para sa paghahanda ng business cases, pre-feasibility and feasibility studies, pagsusumite ng mga dokumento, transaction advisory services at iba pang PPP project development at iba pang implementation activities.
Saklaw ng LRT-1 Extension O&M Project ang operasyon ng rail system, pati na ang financing, design at construction ng South Extension.
