Kinilala ang Filipino gymnast na si Carlos Yulo bilang 2024 Athlete of the Year ng Philippine Sportswriters Association para sa kanyang gold performance sa 2024 Paris Olympics.
Naging overwhelming choice si Yulo sa naturang pagkilala dahil sa pag-uwi nito ng dalawang gintong medalya para sa Pilipinas matapos mamayagpag sa floor exercise at vault apparatus events sa gymnastics.
Noong nakaraang taon ay nanalo rin ang Pinoy gymnast ng mga gintong medalya para sa individual all-around, floor exercise, vault, at parallel bars events ng Asian Championships sa Tashkent, Uzbekistan.
Igagawad ang parangal kay Yulo sa Annual Awards Night ng PSA sa Jan. 27. —sa panulat ni Lea Soriano-Rivera
