Ang Cervical spondylosis ay isang kondisyon kung saan nagkakaroon ng pagkasira o pagkaluma ng mga buto, disk, at kasu-kasuan sa bahagi ng leeg habang tumatanda ang isang tao.
Ayon sa mga eksperto, karaniwan ito sa mga nasa edad 60 pataas, bagama’t maaari ring maranasan ng mas bata dahil sa paulit-ulit na pagyuko, mahabang oras ng paggamit ng cellphone o kompyuter, o dating pinsala sa leeg.
Kabilang sa mga sintomas nito ang pananakit at paninigas ng leeg, pananakit ng balikat, pamamanhid o pangangalay ng braso at kamay, pagkahilo, at sa ilang matitinding kaso ay kahirapan sa paglalakad o pagkontrol sa pag-ihi.
Makatutulong ang tamang postura, regular na pag-eehersisyo, pag-iwas sa matagal na pagyuko, at pagpapahinga ng leeg upang mabawasan ang mga sintomas.
Maaari ring magrekomenda ang doktor ng physical therapy, mga gamot sa pananakit, o iba pang lunas depende sa kalubhaan ng kondisyon.
Pinapayuhan ang mga nakararanas ng matindi o tuluy-tuloy na pananakit ng leeg, pamamanhid ng mga braso o kamay, o panghihina ng mga kalamnan na magpakonsulta agad sa doktor upang maagapan ang posibleng komplikasyon.
