Umapela si vaccine expert Dr. Rontgene Solante sa pamahalaan na isama sa ‘Government Inoculation Program’ ang pagbabakuna kontra COVID-19.
Ayon kay Solante, ito ay upang palakasin ang proteksyon ng publko laban sa virus.
Dapat aniyang gawin ng Department of Health ang COVID vaccination bilang bahagi ng pagbabakuna o ng regular vaccination program ng gobyerno.
Aniya, bagama’t hindi na kinukunsidera ng World Health Organization (WHO) na Global Health Emergency ang COVID-19 ay mahalaga pa rin na siguraduhing ligtas ang mga Pilipino sa banta nito.
Dagdag pa ng eksperto, kailangan na suriin munang maigi ang natitirang COVID-19 resctrictions dahil malaki pa rin ang epekto nito sa buhay ng mga mamamayan lalo na ngayong muli na namang sumisirit ang kaso nito. —sa panulat ni Jam Tarrayo
