Humingi na ng paumanhin si House Lead Prosecutor Gerville Luistro kaugnay sa nag-viral na wacky photos ng prosecution team na kinunan sa loob ng Senate session hall matapos mag-recess ang impeachment trial ni Vice President Sara Duterte.
Pinuna ito ni Senate President Sherwin Gatchalian sa pagsasabing ang session hall ng Senado ay sagrado dahil dito ginagawa ang marami sa mahahalagang batas at pinag-uusapan ang mga importanteng isyu.
Hindi aniya tama na may ginagawang katawa-tawa sa loob ng institusyon.
Sinabi ni Luistro na hindi intensyon ng prosecution panel na gawing katatawanan ang Senado, kasabay ng pagbibigay-diin na mataas ang kanilang respeto sa institusyon ng Mataas na Kapulungan at mga senador.
Ipinaliwanag ng kongresista na masaya lamang ang prosecution nang kunan ang nag-viral na larawan dahil makakapagpahinga sila makalipas ang ilang buwan na impeachment hearings.
